跳繩唔只係體能運動，仲係訓練大腦嘅好幫手!

好多家長覺得跳繩只係「郁下手腳」，其實跳繩涉及大量身體協調、平衡及節奏控制，對小朋友嘅感統發展同專注力有直接幫助。一級職業治療師徐sir指出，感統訓練（感覺統合）能有效提升兒童的專注力、學習效率及情緒穩定性，幫助佢哋更好處理感官訊息。透過持續、有系統嘅跳繩訓練，小朋友可以在動作中學習控制身體、處理感官訊息，並提升學習時所需嘅專注力。

什麼是「感統能力」？

感統（感覺統合）係指大腦接收唔同感官訊息（例如視覺、觸覺、本體覺、前庭覺）後，整合並轉化成適當動作反應嘅能力。職業治療師Samuel Sir解釋，感統簡單嚟講就係大腦嘅功能，包括前庭、本體感、眼、耳、口、鼻、觸覺七個功能綜合而成，若果感覺統合不協調，就會出現情緒問題或者專注力不足等情況。感統能力發展得好，小朋友喺日常生活、運動甚至讀寫方面都會更順暢。

跳繩點樣訓練感統能力？

跳繩動作需要小朋友同時處理搖繩節奏、雙腳跳躍時機、身體平衡及手眼協調，過程中會不斷刺激：

• 前庭覺：控制平衡與空間感,減少小朋友日常「周身郁」或容易跌倒嘅情況

• 本體覺：了解身體位置及用力程度，提升動作穩定性

• 手眼協調：搖繩同跳躍節奏需要眼睛同手腳配合，強化整體協調能力

有職能治療相關文獻整理指出，跳繩活動能發展前庭感知、本體覺、動作計劃、視覺動作統合、平衡及重心轉換等多項感覺動作功能，屬於相當全面嘅感統訓練活動。同時亦有臨床觀察發現，本體覺較弱嘅兒童，動作會較笨拙不靈活，兩側手腳協調不良,甚至「跳繩有困難」，反映跳繩本身既是感統訓練工具，亦係反映感統發展狀況嘅指標動作。

跳繩同專注力有咩關係？

跳繩需要小朋友喺短時間內同時處理「睇、聽、郁」等多項訊息，並保持節奏穩定,呢個過程其實同專注力訓練非常相似。有兒童發展中心資料指出,若前庭覺沒有發展好,孩子容易坐立不安、感到沮喪、經常分心,難以專注聆聽；相反,多做具挑戰性嘅身體活動（跳繩正是其中一種）有助建立專注聆聽同遵照指令嘅能力。亦有感覺統合運動導師與繩索技術教練合作,設計適合在家做嘅繩索運動訓練,協助專注力失調同過度活躍症（ADHD）嘅小朋友，透過運動加強腦神經聯繫，從而改善行為表現。

長期練習可以帶來咩改變？

家長毋須期望小朋友一開始就跳得又快又靚，感統及專注力嘅提升需要時間累積。有職業治療師提到，3至6歲是感統訓練嘅黃金期，6至9歲是補救期，只要持之以恆，即使起步較遲嘅小朋友都可以慢慢追回進度。隨着練習量增加，小朋友通常會喺以下方面見到進步： 

• 動作更加穩定，減少「論盡」情況

• 上堂或做功課時分心情況減少

• 情緒調節能力提升，較容易冷靜落嚟

• 自信心增加，願意挑戰更高難度動作

  
  

想知道小朋友適合幾多年紀開始接觸跳繩訓練，或者想了解我們課程點樣配合感統及專注力發展設計？歡迎查詢，教練會按小朋友年齡及能力提供合適建議。

👉 [了解詳情及網上報名] : https://coursesystem.hkrsc.com.hk/p/22735

參考資料：

• 徐sir一級職業治療師感統訓練專訪：https://www.instagram.com/reel/DWDE5n1Ex9K/

• Samuel Sir感統弱影響兒童空間感與平衡感：https://www.hk01.com/親子/395548/爸媽補習班-感統弱影響兒童空間感與平衡感9歲前可補救

• 兒童發展聯合評估中心－本體覺與前庭覺相關資料：https://ttw3.mmh.org.tw/know_health_view.php?docid=24